ஐபிஎல் 2021: இம்முறையாவது கோப்பையை கைப்பற்றுமா ஆர்சிபி?

ஐபிஎல் தொடர் வரலாற்றில் இதுவரை கோப்பையை வெல்லாத அணிகளில் ஒன்று விராட் கோலி தலைமையிலான ராயல் சேலஞ்சர்ஸ் பெங்களூரு அணி. சுருக்கமாக ஆர்சிபி என அழைக்கப்படும் இந்த அணி, ஒவ்வோரு ஆண்டும் பல டி29 ஸ்பெஷ்லிஸ்டுகளைக் கொண்டு களமிறங்கும்.

இதுவரை மூன்று முறை இறுதிப்போட்டிக்கு முன்னேறிய ஆர்சிபி அணியால், ஒருமுறை கூட கோப்பையைக் கைப்பற்றியதில்லை. இதன் காரணமாக இந்த அணி ஒவ்வொரு ஆண்டும் கோப்பையை வெல்லும் என்ற எதிர்பார்ப்பில் ரசிகர்கள் காத்திருக்கின்றனர்.

அந்தவகையில் நடப்பு சீசனிலும் சிறப்பான ஆட்டத்தை வெளிப்படுத்தியுள்ள ஆர்சிபி அணி, 7 போட்டிகளில் ஐந்து வெற்றியைப் பெற்று பிளே ஆஃப் சுற்றுக்கான வாய்ப்பை ஏறத்தாழ உறுதிசெய்துள்ளது. 

ஆர்சிபி அணியின் பேட்டிங் ஆர்டரைப் பொறுத்தவரை விராட் கோலி, தேவ்தத் படிக்கல், ஏபிடி வில்லியர்ஸ், ஃபின் ஆலன், டிம் டேவிட் என நட்சத்திர வீரர்களை கொண்டுள்ளது. 

பந்துவீச்சைப் பொறுத்தவரை யுஸ்வேந்திர சஹால், கைல் ஜேமிசன், முகமது சிராஜ் ஆகியோருடன், நவ்தீப் சைனி, துஷ்மந்தா சமீரா, வானிந்து ஹசரங்கா ஆகியோரும் அணியில் இடம்பிடித்திருப்பது அணிக்கு கூடுதல் பலமே.

ஆனாலும் வாஷிங்டன் சுந்தர், ஆடம் ஸாம்பா, கென் ரிச்சர்ட்சன் ஆகியோர் நடப்பு சீசனிலிருந்து விலகியுள்ளது அணிக்கு சற்று பின்னடைவை ஏற்படுத்தியுள்ளது. ஏனெனில் வாஷிங்டன் சுந்த பவர் பிளேவில் ஓவர் போடும் திறன் பெற்றவர். 

அவரது இழப்பு நிச்சயம் அணிக்கு பெரும் பின்னடைவாக இருக்கும் என்பதில் சந்தேகமில்லை. ஆனாலும் சபாஷ் அஹ்மத் அவரது இழப்பை ஈடுகட்டுவார் என்ற எதிர்பார்ப்பும் உள்ளது. 

வலிமையான பேட்டிங் ஆர்டரைக் கொண்டுள்ள ராயல் சேலஞ்சர்ஸ் பெங்களூரு அணி, அமீரகத்தில் நடைபெறும் போட்டிகளிலும் சிறப்பாக விளையாடி இம்முறையாவது கோப்பையை வெல்லும் என்ற ஆவலுடன் ரசிகர்கள் காத்திருக்கின்றனர்.

IPL 2021 Royal Challengers Bangalore(RCB) Match Schedule

• RCB vs KKR -September 20, 2021 - 7:30 PM-Abu Dhabi
• RCB vs CSK -September 24, 2021- 7:30 PM-Sharjah
• RCB vs MI -September 26, 2021- 7:30 PM-Dubai
• RCB vs RR -September 29, 2021- 7:30 PM-Dubai
• RCB vs PK - October 3, 2021 -3:30 PM-Sharjah
• RCB vs SRH -October 6, 2021- 7:30 PM-Abu Dhabi
• RCB vs DC -October 8, 2021- 7:30 PM-Dubai

Also Read: இந்திய அணியின் இங்கிலாந்து சுற்றுப்பயணம், 2021

ராயல் சேலஞ்சர்ஸ் பெங்களூரு அணி: விராட் கோலி, ஏபி டிவில்லியர்ஸ், யுஸ்வேந்திர சாஹல், தேவதத் படிக்கல், ஹர்ஷல் பட்டேல், முகமது சிராஜ், நவ்தீப் சைனி, சபாஷ் அஹ்மது, பவன் தேஷ்பாண்டே, கிளென் மேக்ஸ்வெல், சச்சின் பேபி, ரஜத் படிதார், முகமது அசாருதீன், கைல் ஜேமிசன், டான் கிறிஸ்டியன், சுயேஷ் பிரபுதேசாய், கேஎஸ் பரத், டிம் டேவிட், துஷ்மந்த சமீரா, வனிந்து ஹசரங்கல், ஆகாஷ் தீப்.