Sau vs tn

சையத் முஷ்டாக் அலி கோப்பை டி20 தொடரின் நடப்பு சீசன் விறுவிறுப்பான கட்டத்தை எட்டியுள்ளது. இதில் இன்று நடைபெற்ற குரூப் பி பிரிவுக்கான லீக் போட்டியில் சௌராஷ்டிரா மற்றும் தமிழ்நாடு அணிகள் பலப்பரீட்சை நடத்தின. இந்தூரில் நடைபெற்ற இப்போட்டியில் டாஸ் வென்ற தமிழ்நாடு அணி முதலில் பந்துவீசுவதாக அறிவித்து சௌராஷ்டிரா அணியை பேட்டிங் செய்ய அழைத்தது. 

அதன்படி களமிறங்கிய சௌராஷ்டிரா அணியில் தொடக்க வீரர் தரங் கோயல் ரன்கள் ஏதுமின்றி விக்கெட்டை இழந்தார். பின்னர் இணைந்த ஹர்விக் தேசாய் மற்றும் பிரெரக் மான்கட் இணை அதிரடியாக விளையாடி அணியின் ஸ்கோரை உயர்த்தினர். இதில் ஹர்விக் தேசாய் தனது அரைசதத்தைப் பதிவுசெய்தார். பின் இருவரும் இணைந்து இரண்டாவது விக்கெட்டிற்கு 99 ரன்கள் பார்ட்னர்ஷிப் அமைத்த நிலையில் மான்கட் 43 ரன்களில் விக்கெட்டை இழந்தார்.